و الله و الله...ابخيم زينب ما يمرون
و الله و الله...أفنيها كلها و أقلب الكون
أنزل غضب بيها...و اجيوش أفنيها
بجفوفي حته القاع...من أزعل أطويها
ما خلي رقبه ابراس...و بسيفي أصّفيها
و آني و آني...إبن الفحل انتم تشهدون
و الله و الله...ابخيم زينب ما يمرون
و الله و الله...أفنيها كلها و أقلب الكون
:::::::::::::::::::::::::::::::::::::::::::::::::
لو مر عليه الموت...ياخذ أمر مني
و بكيفه مثل الناس...مو سهله يوصلني
سيف آنا و انشد روح...روس الزلم عني
بيدي بيدي ...و الكلافه التصعب اتهون
و الله و الله...ابخيم زينب ما يمرون
و الله و الله...أفنيها كلها و أقلب الكون
:::::::::::::::::::::::::::::::::::::::::::::::::
قمة علي و عباس...شالتهن اسفوحي
و بوجه سيف اعداي...ما ضحكت اجروحي
من روحي روحي اتخاف...لو زعلّت روحي
ويله ويله...القال بيه خل يغدرون
و الله و الله...ابخيم زينب ما يمرون
و الله و الله...أفنيها كلها و أقلب الكون
:::::::::::::::::::::::::::::::::::::::::::::::::
زينب و أنا العباس...و بدمي كافلها
رايه و عقدها حسين...من يقدر ايفلها
هاي اختي و اخت حسين...ما واحد ايذلها
دمعه دمعه...بعين زينب ما تشوفون
و الله و الله...ابخيم زينب ما يمرون
و الله و الله...أفنيها كلها و أقلب الكون
:::::::::::::::::::::::::::::::::::::::::::::::::
آنا الخنقت الخوف...لمن صرخ كافي
آنا القلت للماي...لا توصل اشفافي
و آنا الوفيت بيوم...محد رضه ايوافي
ثاري ثاري...و لو عفت هالثار مجنون
و الله و الله...ابخيم زينب ما يمرون
و الله و الله...أفنيها كلها و أقلب الكون
:::::::::::::::::::::::::::::::::::::::::::::::::
يا عمي يا عباس...من نادت اسكينه
من غيرك انت الماي...بجفوفه يروينه
نهر الفرات بسيف...جريته من عينه
يا هو يا هو...الغير سيفي يكسر اعيون
و الله و الله...ابخيم زينب ما يمرون
و الله و الله...أفنيها كلها و أقلب الكون
:::::::::::::::::::::::::::::::::::::::::::::::::
سبعين ألف بالسيف...من غيري بجّاهم
صورة علي و عباس...بالموت راواهم
من مثلي مدلولين...بالدنيه خلاهم
ذوله ذوله...ابغير سيفي ما يموتون
تم بحمد الله
اذا تكدر تكتب قصيدة لاي رادود وتنشره على موقعنا وتكون الك صدقة وثواب ماطولها بالموقع راسلنا عبر التليجرام او الفيسبوك او واتساب
ونكون شاكرين الك جداً لانه لايسعنا كتابة كل القصائد بسبب ضيق الوقت والمسؤوليات التي في عاتقنا